အကြင်တရားတို့သည်အကြောင်းကြောင့်ပင် ဖြစ်ကုန်ကြကုန်၏။
စွဲလမ်းမိသောအချင်းအရာသည်ငါ့စိတ်၌ထင်ရှားဖြစ်ပေါ်၍လာသည်။
တစ်ဆစ်ချင်းပွင့်နေသောပန်းတစ်ပွင့်သည်အချစ်ကြောင်းကိုမသိ။
တစ်ဆစ်ချင်းလွမ်းဆွတ်ချင့်စဖွယ် ညနေရီသည်လည်း အချစ်ကြောင်းကိုမသိ။
တစ်ဆစ်ချင်းရူးသွပ်စပြုလာသော နှလုံးသားငယ်သည်လည်း အချစ်ကြောင်းကိုမသိ။
ချောက်ကမ်းပါး ထိပ်၌ရေတံခွန်ကိုချစ်သော
ရေများအရှိန်အဟုန်ပြင်းစွာ
ပြတ်ရှဒဏ်ရာ တစ်ခုမှသွေးများအရှိန်အဟုန်ပြင်းစွာ
ထိုနည်းတူ သူမနုတ်ခမ်းများသည်လည်း
အရှိန်အဟုန်ပြင်းစွာ....။
ချစ်နေရခြင်းတွင်ကုံလုံပြည့်ဝနေသော
ရောင့်ရဲမှုတို့ကိုသာအမျှဝေပါမည်။
နောက်ထပ် ထပ်မံမလိုအပ်ခြင်းများကို
စံပယ်တစ်ကုံးဖန်ဆင်း၍ သူမအားလက်ဆောင်ပေးလိုပါသည်။
ဖြစ်နိုင်လျှင်....သူမကိုယ်သင်းနံ့ဖြင့်သာ
စိတ်ကိုထုံမွမ်းထားလိုပါသည်။
.........................
................................
တစ်ခုသောအခါတွင် ကျွန်တော်တို့နှလုံးခုန်သံများကို
အချိန်တိုက်ထားလိုက်မိပါသည်။
ထိုအချိန်မှစ၍ နှလုံးခုန်သံတစ်ချက်တိုင်း
တစ်ယောက်ကိုတစ်ယောက်သတိရနေမိပါသည်။
မကြာခဏ အေးစက်နေတတ်သော သူမခြေဖျားမှ
အေးစက်မှုကို ကျွန်တော့်နှလုံးသားမှသိနေပါသည်။
သူမနေမကောင်းဖြစ်သောအခါများ၌
ကျွန်တော်အိပ်မပျော်တတ်ပါ။
သူမပြုံးနေသောအခါ ကျွန်တော်ပြုံးမိပါသည်။
မြောက်ဝင်ရိုးစွန်းနှင့်တောင်ဝင်ရိုးစွန်းကို
သံလိုက်များဆက်လက်မညွန်ပြသည့်
အချိန်မျိုးတွင်ပင်
ကျွန်တော့်နှလုံးသားသည် သူမအားညွန်ပြနေပါလိမ့်မည်။
စိတ်ကိုဖြတ်သန်းသွားသမျှသည် စိတ်ကိုပင်ပန်းစေသည်ဟုကျွန်တော်သိပါသည်။
ဘယ်ဘက်ရင်အုံမှသူမအပြုံးများသည်
ကျွန်တော်လှိမ့်တင်ထားသော
ကျောက်တုံးများဖြစ်ပါသည်။
ထိုအချင်းအရာကို ထောက်ဆလျှင်
သူမသည် ချစ်ဦးသူဖြစ်ကြောင်း
သင်ရိပ်မိပါလိမ့်မည်။
ထိုအရာသည် မှန်ကန်ခဲ့သည်ဟုကျွန်တော်ထင်ပါသည်။
ချစ်သူကိုနမ်းရှိုက်ခဲ့သော အနမ်းရေအတွက်သည်
သင်တစ်သက်တာ
နေ့ရက်များထက် ပိုခဲ့သည်ရှိသော်
သင်လည်းကံကောင်းသည်ဟု ကျွန်ုပ်ကဆိုချင်ပါသည်။
စွဲလမ်းမိသောအချင်းအရာသည် ငါ့စိတ်၌
ထင်ရှားဖြစ်ပေါ်၍လာသည်။
ထို့ကြောင့်....ပယ်အပ်သောသမုဒယကို
ကဗျာအဖြစ် ကျွန်ုပ်စွန်ပယ်သည်။
Zephyr
